2016年12月9日  星期五  農曆  十一月十一
首頁 > 娛樂 >
即時新聞

黃浩然自爆死魚眼遭祥仔大罵 鮑起靜頌親恩:愛要及時

[2016-11-30]

文:駱震寧 圖:鄧國良

鮑起靜早前與黃浩然到馬來西亞拍攝新片《大手牽小手》,二人首次合作即爆出連場催淚演出。電影講述黃浩然因姨媽過世重返馬來西亞,在喪禮上重遇感情疏離、患上了黃昏症候群的鮑起靜;黃浩然原打算將母親安置在安老院,但最終決定拿着「願望欠單」,為母親實現當年許下的五個願望。

問黃浩然可有向金像影后鮑姐身上偷師,他說:「我成日覺得做人做得叻,做戲自然做得叻。做人嘅態度反映在戲中,因為除了導演話畀演員知應該點做之外,自己都要諗。你問我,我反而欣賞鮑姐個人。」問到首次合作感覺如何,鮑姐說:「感覺非常之好,我唔敢講我呢個角色做得好好。因為角色比較粗魯,我嘅感覺又俾人覺得唔夠粗魯,但浩然做呢個角色就非常之啱。做一個同媽媽無相處過嘅人,佢好內斂、好含蓄,佢唔需要有太多動作表情,只係用眼晴做戲,而眼晴係佢既特長。」

 


被鮑姐讚眼睛識做戲

 


黃浩然雖得到鮑姐的讚賞,但卻不予認同。浩然笑說:「唔係㗎!我備受好多批評,好多人話呢條友無表情,對眼死魚咁!」浩然透露自己有遠視跟散光,拍攝劇集《名門暗戰》時曾被黎耀祥大罵。他笑說:「祥仔真係差在未講粗口,叫我快啲去搞隻眼。話同我做對手戲,對眼都唔係望住佢。其實係因為攰,肌肉集中唔到。佢話睇我《愛我請留言》入面有戴度數眼鏡,表現完全唔同。」浩然透露已做過矯視手術,是次再睇自己跟鮑姐的合作,眼晴真可將感情係反映出來。
談到最感人一幕。鮑姐說:「都係個仔唱歌畀我聽一幕。唔話我知走上台唱,唱一首我最鍾意嘅歌《每當變幻時》;真係好感動,唔單止我,在場所有人都好感動,都眼濕濕。」鮑姐表示電影講述孝義,希望觀眾明白「有心唔怕遲」這道理,她說:「只要你做嘅話,喺最後一刻都可令到爸爸媽媽無憾而終。」黃浩然說:「但係唔好太遲,早啲知,做多啲野,令到大家回憶會更加長。」

都市網推薦新聞

熱點新聞