2016年12月3日  星期六  農曆  十一月初五
首頁 > 即時娛樂 >
即時新聞

阿Sa開工勁慳 冇水乾鯁杯麵醫肚   

[2016-11-30 03:51]

蔡卓妍(阿Sa)和鍾欣潼(阿嬌)出席「日清工作坊開幕禮」,二人一時跣手險些將巨型杯麵跌落地,最後有驚無險。阿Sa笑言拍戲經常食杯麵,之前更帶定六個麵杯到馬爾代夫,因為未有預訂早餐怕趕不切起身吃,加上要慳錢。她說:「首要致富要條件係要慳,我未賺夠,但我不會虧待自己起碼有得吃。」她自爆曾試過到偏僻地方,由於車程太長搞到無得吃要生食杯麵,笑言做隻飽鬼好過餓死。

提到聖誕節,阿Sa表示公司在上海搞演唱會,屆時會上網買禮物跟阿嬌交換,又謂會買正經的禮物,但自己試過幾年都收廁紙的聖誕禮物,更認為自製麵杯有心思。提到周柏豪秘婚,阿Sa指有傳短訊恭賀對方,但完全不知情,相信要保護愛妻。

對於近日娛樂圈喜事連連,問到可會心急找另一半?阿嬌說:「呢啲無得急,要嚟就嚟,我唔急,急嚟揀得唔好就唔好,唔想為結婚而結婚。(朋友介紹男生?)冇人介紹。」當提議阿Sa介紹男生畀阿嬌,阿Sa即謂:「塘水滾塘魚,好嘅都被人擸晒,剩低?啲知咩事,都揀唔落費事介紹畀人,我個人無咁差。」

都市網推薦新聞

熱點新聞