2016年12月9日  星期五  農曆  十一月十一
首頁 > 即時娛樂 >
即時新聞

人夫周柏豪預婚禮曝光 冇時間見老婆難造人

[2016-11-30 02:57]

32歲周柏豪上周閃飛泰國布吉,秘密迎娶拍拖10年的圈外同居女友Stephanie Chu,人夫周柏豪婚後又密密開工,到內地拍攝無線重頭劇《使徒行者2》。

開工前大方受訪的周柏豪坦然收到好多祝福:「呢件係開心事,我同佢(Stephanie)同埋屋企人 為咗呢件事都好感動。(低調?) 其實一向都低調㗎啦,好想保護身邊嘅人,所以盡量將自己嘅私人事 放到最表面個一層俾人睇。(婚禮籌備幾耐?)唔夠一年。(只請家人朋友?)都請唔晒,因為場地有限,唔想搞到咁大件事。比較鍾意啲簡單嘢,淨係請咗啲必須要請嘅人,有啲都好想請嘅,但係冇地方,希望返到香港可以逐一同佢哋見下面。」

問周柏豪婚禮漏風聲,可感遺憾?他坦言做藝人都預計有被揭發的一日。至於是否奉子成婚,周柏豪謂:「冇啊,我個人都幾有計劃嘅。(幾時生?)拍完呢部劇先講啦,其實見都未必有時間見啊,朋友問幾時度蜜月,其實暫時未有計劃,但係我哋成日都去旅行嘅, 當係之前個啲係。」

周柏豪又指不會回港補擺酒,又沒有計算婚禮洗費,只是負責簽支票,唔知銀碼幾多。問到他求婚過程?他笑謂是老土之人:「都比較簡單,老土嘅。(跪低?)都係因為我老土先會著紅色衫啫, 長輩都有問我做唔做上頭,橫掂都係不如做埋啦。(唔俾老婆做嘢?)希望啦,希望有咁嘅能力。」

都市網推薦新聞

熱點新聞