2016年12月9日  星期五  農曆  十一月十一
首頁 > 即時娛樂 >
即時新聞

蘇永康老來得子 好老闆任賢齊下令湊老婆

[2016-11-30 02:10]

49歲蘇永康(阿公)與老婆馮翠珊(Anita)於2014年結束8年愛情長跑拉埋天窗,兩老婆終於宣佈造人成功,Anita佗B仔約6個月。自認老來得子的阿公都對大肚Anita照顧有加,見老婆孕吐會幫手掃風。阿公更笑言:「我唔想個仔似我,似阿媽好樣啲,似我就醜到阿媽都認唔到。」

Big Four、男人幫等好友已一早知道阿公榮升「準爸爸」,如今阿公認有喜事,一直保守秘密的好友都紛紛送上祝福。阿公的好老闆任賢齊(小齊)下令阿公少接Job,安守家中湊老婆,他開心道:「阿公一早就同我講,梗係開心,但係我唔可以亂講,驚小朋友小氣,就幫佢keep secret。希望阿公多啲時間陪Anita,啱啱有咗要小心,所以好多時候我都唔畀阿公接Job,叫佢留多啲時間喺屋企。」

好兄弟梁漢文祝B仔快高長大:「終於唔洗保守秘密,相信好多歌迷、朋友都會替佢高興,之前去到馬拉?啲地方開演唱會已經知,大家都有特別關懷佢,話晒係第一胎,希望佢唔好咁緊張,小朋友可以快高長大、健健康康。」

阿公與老婆貴為時裝達人,男人幫成員黃家強興奮指B仔日後會遺傳兩公婆:「恭喜佢,生個仔正吖,阿爸阿媽係潮流達人,大個一定做Model啦,唔做Model都做Designer,恭喜阿公!」

都市網推薦新聞

熱點新聞