2016年12月5日  星期一  農曆  十一月初七
首頁 > 即時香港 >
即時新聞

網民諷「吸過毒特別愛國」 蘇永康FB覆:起碼我敢認

[2016-12-01 19:32]

49歲的蘇永康日前宣布將為人父,他接受訪問時稱,不希望生一個如「梁天恆」(編按:本民前梁天琦╱青年新政梁頌恆) 般的小朋友,指不能接受子女「背祖忘宗、分裂國家」。

有反對港獨的網媒貼文讚揚蘇永康的言論,惹來部分網民批評他亦曾經吸毒,蘇永康個人的Facebook帳戶回覆網民稱「起碼做錯事我敢認 」。

網媒「港人講地」貼文讚揚蘇永康,稱「為人父母見到子女行差踏錯,真係應該及早好好指正、教導,絕不可縱容一錯再錯」,逾萬網民讚好,有人稱「有藝人咁敢言真係感動到哭」、「我也接受不了子女這樣大逆不道」。

同時亦有人翻出蘇永康在2002年於台灣吸毒被捕的舊帳,語帶諷刺稱「吸過毒特別愛國」,蘇永康本人的Facebook帳戶「William Gung」回覆「咁請問唔吸毒係特別喜歡仇恨分化?」 另外有網民留言指「蘇永康撈咁多年都紅唔起...竟然借機來賣廣告...高招」, 「William Gung」則回覆指「我係紅唔起,但我生活得很好,起碼做錯事我敢認,呢招唔係人人做到,起碼有兩個人做唔倒」。

都市網推薦新聞

熱點新聞