2017年11月17日  星期五  農曆  九月廿九
首頁 > 即時娛樂 >
即時新聞

《美女與野獸》同志情節 蔣麗莎話唔怕囝囡睇

[2017-03-21 00:30]

藝人陳浩民同太太蔣麗莎育有三女一子,六口不時上載相片上網,近日媽媽蔣麗莎就騷咗張,學校《美女與野獸》的舞台劇演出活動相,仲講近日《美女與野獸》有「同性戀」都唔怕俾小朋友睇。

陳生陳太一向都比較開放,所以呢個想法,一啲都唔出奇,上年陳浩民先請攝影師記錄自己與孕妻的互動,發佈一張幫老婆產前剃恥毛的照片,只不過令部分網友感覺太露骨,事後佢回應指:「生過孩子的朋友都明白這些是過程啦,而且又沒有露點、沒有露毛,對不對!」

今次就只係「同性戀」片段,又點會阻止呢?蔣麗莎話,小朋友參與《美女與野獸》的舞台劇演出超級開心,有人問電影《美女與野獸》爭議不斷,有同性戀情節,會不會選擇迴避「不應該讓小朋友」觀看,蔣麗莎就覺得屬於目前「社會現狀」,「我們應該面對現實」咁話。

​​​​講完之後,仲再放多張相,話自己生三個女兒,」一個陪逛街,一個陪吃飯,一個陪睡覺,分配非常不錯」​​​​!

都市網推薦新聞

熱點新聞