2017年10月22日  星期日  農曆  九月初三
首頁 > 娛樂 >
即時新聞

買鋪話晒事 太太管旅行 鄧鉅明 二千萬開新店

[2017-04-20]

文、圖:Jazz Chow

 

鄧鉅明博士昨日以主席身分,攜愛妻鄧宣宏雁盛裝出席Just Gold鎮金店海港城全新概念店開幕禮。鄧生表示新店投資二千萬內,目標是開10間,他近日還斥資500多萬購入先達地鋪做「鋪王」,鄧太笑稱買鋪由老公話事,旅行就自己話事。周麗淇(Niki)第四年以代言人身分華麗現身,單身近兩年的她自爆諗盡方法避開「狂蜂浪蝶」,更想搵家姐的萌爆B仔做擋箭牌。

Just Gold鎮金店主席鄧鉅明博士與愛妻鄧宣宏雁盛裝到場,提及新店投資金額?鄧生說:「唔多,二千萬內,這是第8間分店,暫時目標想開10間。(已第四年邀請Niki做代言人?)係,佢清純又靚女。(會搵男代言人?)通常珠寶都好難搵男士代言。(你自己做代言?)我怕老婆擔心,哈哈!」鄧生近日再度出擊斥資500多萬購入先達地鋪做「鋪王」,他笑稱:「係呀!我買咗最貴嘅鋪,講笑!(下個目標是哪裏?)老婆鍾意嘅地方我都鍾情,會同佢去旅行。」鄧太即笑道:「買鋪佢話事,去旅行就我話事。」鄧生日前赴澳門遊覽,大讚當地酒店非常漂亮,問他是否有意在當地開設分店?鄧生表示:「考慮緊,行業收縮緊,經營得比較辛苦,但其實環境好都經營得艱難,因租金貴,現租金合理,為後生仔帶嚟創業機會。」

 

Niki想搵姨甥避狂蜂

 

Niki以代言人身分華麗現身,回復單身近兩年的她自爆為避狂蜂浪蝶,不時以沒電話等藉口謝絕對方的進一步攻勢,更想借用胞姊周汶錡(Kathy)兒子做擋箭牌,騙男方說自己已為人母,避開無意發展的追求者。胞姊周汶錡再誕麟兒,Niki笑指姨甥仔Avner似「一舊飯」,只懂食和瞓,很精靈可愛,她亦買了金鐲送予即將滿月BB,又指現時金價不斷上漲,會經常入貨。Niki還稱胞姊長子Jacques很愛說話,覺得有點煩,但煩得可愛,是個很聰明的孩子,不知道是不是資優兒童,而她每次回港都會帶姨甥仔外出吃飯或去公園玩。提及感情生活,Niki稱並無大進展,亦不急於拍拖,因工作很忙。問有沒有朋友介紹男仔給她?Niki笑道:「很多,但食完飯就冇咩feel。(相睇?)相睇很肉酸,是用食飯為由,不過我都冇時間去發展,其實如果有feel點忙都有時間,冇feel先話冇時間,我亦成日唔覆機,試過有人問我電話號碼,我話我冇電話冇微信或唔記得號碼,唔好意思直接話唔想畀嘛!(對方都feel到?)唔知呢!不過都好戇居,畀少一個號碼都試過,總之冇feel就會諗盡方法(避開),都有人試過坐飛機時說坐錯位,有次在內地工作時我又騙對方說自己是台灣人。(令人沒機會接近?)就係唔想要呢啲機會,我仲想搵姨甥仔扮我個仔!」

都市網推薦新聞

熱點新聞