2017年6月27日  星期二  農曆  六月初四
首頁 > 即時娛樂 >
即時新聞

【白等17粒鐘】周柏豪留守機場沖涼瞓覺 丁子高凌晨返閨嚇親千嬅

[2017-06-17 03:48]

連日來密密落雨,今日凌晨更一度發出紅色暴雨警告信號,閃電逾2千次。深深感受到「天氣不似預期」的周柏豪、丁子高、衛詩雅咁啱在香港機場相遇,齊齊飛去上海做嘢。但係天雨關係,加上航班延誤再被取消,三位登機後又要落返機場等消息,足足白等17個鐘至可以上機飛上海。

等到花兒也謝了,周柏豪慘情地表示去機場酒店碰碰運氣,但係幾間酒店都爆滿,返去屋企又只有兩小時休息,最後決定留守機場,在梳化上瞓覺、在機場沖涼。足足在機場食足四餐飯,周柏豪等待航空公司尋找不知所終的行李,依然可以話「心情還是很好,算是不錯的經驗吧」。另外,丁子高白等航班時,中間時間唯有返屋企抖抖,點知黑媽媽返閨,嚇親老婆楊千嬅。千嬅不禁上網分享經過:「這幾天丁生要出門工(公)幹,小丁除了跟爸爸説happy Father's Day,更開心的説:好嘢可以黏著媽媽睡。睡到半夜,突然聽到開門聲,然後睡到䑃朧之際,彷彿看到床尾一大黑影,手中持著一點iPhone的電筒,立馬以為有鬼,大叫,原來是丁生回來。那時已是凌晨3點了........鬼故講完。」自嘆是「終極黑仔王」的丁子高已人在上海開工,但係行李仍然留在香港。等足咁耐,丁子高都謝晒,留言話:「#人生如此 #我已經無晒感覺 #平常心 #仲可以點呀 #iLoveShanghai」。

都市網推薦新聞

熱點新聞