2017年12月11日  星期一  農曆  十月廿四
首頁 > 即時娛樂 >
即時新聞

Bosco吳卓羲送吻賀三哥牛一 祝福「帥到世界盡頭」

[2017-06-18 23:21]

昨日是型男苗僑偉(三哥)正日生日,最近三哥忙拍邵氏超級網劇《飛虎極戰》,前晚在西貢拍攝夜戲,《飛》劇組先給三哥生日驚喜,向他大唱生日歌。接着監製樂易玲和三嫂戚美珍亦分別送上蛋糕和鮮花,祝他「帥到世界盡頭」!

前晚《飛虎極戰》在西貢拍攝夜戲,當踏正12點時,台前幕後工作人員,包括黃宗澤(Bosco)、吳卓羲(Ron)、張兆輝、王敏德、梁烈唯、陳山聰、王敏奕等齊齊大唱生日歌,然後監製之一的樂小姐便送上寫有「帥到世界盡頭」字句的生日蛋糕,三嫂和Bosco(黃宗凙)便送上鮮花,Bosco同Ron更向三哥送上「birthday kiss」。

問到三哥有甚麼生日願望,三哥表示:「希望所有事都順順利利,身體健康,開開心心!(係唔係好驚喜?)其實今晚好多謝樂小姐同劇組的精心安排,而且今晩拍攝呢場戲連導演都識咗好多年,同呢場戲係所有演員都有份,一眾好兄弟Bosco、Ron、唯唯、輝哥、山聰同Michael都到齊。」三哥在圈中人緣很好,問他是否生日慶祝活動不斷?三哥說:「未必呀!最近都要開工。今晚也好多兄弟喺度,當係㗎啦!加上大家也合作得好開心,開工都當係開Party。」

問Bosco有甚麼生日祝福給三哥,他説:「祝三哥永遠有型,型到世界盡頭。(送甚麼生日禮物給三哥?)其實諗送咩禮物三哥係好難,因他甚麼都有。早前去他家吃飯,發現他缺少一個開瓶器,因三哥家裏有很多靚酒,唯獨欠開瓶器,所以便想到送名貴開瓶器給他做生日禮物。」唯唯說:「祝三哥生日快樂!身體健康!繼續過佢喜歡的生活。同埋三哥係圈中的模範父親,一直也視他為目標,自己在努力中。」

都市網推薦新聞

熱點新聞