2017年6月27日  星期二  農曆  六月初四
首頁 > 即時娛樂 >
即時新聞

阿仔求其送風扇仔畀張繼聰 謝安琪目擊:當時佢冇接到

[2017-06-18 23:52]

張繼聰同老婆謝安琪(Kay)一家四口好幸福,昨日係父親節,細女張靖仲係BB,未識送禮物畀張繼聰,10歲囝囝張膽算係有啲表示,拎出自己唔鍾意嘅風扇仔,好「瀟灑」咁賀父親節。知足嘅張繼聰都有收好份小禮物,並留言多謝阿仔:「我個仔送俾(畀)我嘅父親節禮物,我問佢:你買架(㗎)?佢話:唔知邊道搵出嚟....我諗依份禮物嘅寓意係....吹咩!?Anyways,多謝,外景啱用」。

目擊事件經過嘅Kay,搞笑讚兩仔爺係「瀟灑的父子」,詳細交代來龍去脈。佢喺社交平台留言:「今日父親節,我個仔乜嘢都冇準備,我老公讚佢瀟灑。然後我問佢係咪應該都有少少野(嘢)送俾(畀)爹哋?於是佢唔知係邊度摷到一個,佢自己唔鍾意嘅風扇,晚餐時送俾(畀)爹哋。然而,佢老豆(竇)都好瀟灑:佢見到個仔俾(畀)份咁嘅禮物佢,佢接都冇接到,手都冇伸出嚟。只係問左(咗)一句:個風扇仔你買㗎?個仔答:頭先唔知喺邊度搵到既(嘅)個風扇就咁滯留咗係(喺)枱面,場面相當無奈。完。」

原以為父親節禮物事件現「羅生門」,張繼聰最終冇要到風扇仔,網民都叫兩公婆「夾口供」。不過Kay再加插留言,交代風扇仔去向,「PS:飯後,老豆(竇)發左(咗)post,多謝仔仔既(嘅)禮物,小風扇總算守得雲開見月明,關心小風扇下場既(嘅)朋友,你地(哋)可以放心喇」。

都市網推薦新聞

熱點新聞