2017年8月16日  星期三  農曆  闰六廿五
首頁 > 即時娛樂 >
即時新聞

李克勤紅館騷得兩成座位公售 網民勁灰心:加場都咁少位嘅?

[2017-06-19 01:43]

李克勤事隔6年再開個人演唱會,將於9月舉行入行30周年紀念紅館騷,原定開4場,已加場一次,總共開6場。主辦單位公開「絕望座位表」,網民只睇到一片漆黑,四面台大約有兩成座位公開發售,已Hold起大量門票用作內部認購、信用卡優先訂飛。

今日朝早10點公開發售門票,見到此情形,網民都表示灰心,大呻買飛很難,搶唔到靚位。有網民不解「點解加場都咁少位ge(嘅)?」同時有不少人投訴座位表黑得太過份,「差不多全黑,都唔知買嚟做乜」、「叫咩嘢做演唱會啫…改名叫私人派對,咁呢個派對就請左(咗)位歌星李克勤來表演唱歌3粒鐘…個場黑成咁,記住帶電筒…」、「不如全部黑晒佢」。

都市網推薦新聞

熱點新聞