2017年7月27日  星期四  農曆  闰六初五
首頁 > 即時香港 >
即時新聞

前線醫護形容公院如難民營 怒轟特首巡視如「做show」 

[2017-07-17 05:13]

夏季流感高峰期持續,各大公立醫院急症室和病房「爆滿」,伊利沙伯醫院急症室病人通宵等候14小時仍未能上病房,前綫醫護人員面對應接不暇的工作量,壓力同樣「爆滿」,紛紛在社交網站上撰文控訴。有護士更直指「呢度係醫院嚟㗎?呢到係難民營呀」,更怒轟特首林鄭月娥巡查醫院是「做show」。

有自稱在伊利沙伯醫院任職的前線醫護在社交網站撰文,透露醫院急症室情況嚴重,即使斷骨、心口痛亦要等待至少四小時才獲安排見醫生,至於普通科病人更慘,等候逾12小時仍未獲安排見醫生。不過見醫生難、入院更難,「病房滿左啦!你要喺急症室瞓住張轉唔到身嘅輪床,過一晚夜先,第二日再睇下上唔上到病房,上到病房啦,打住藥,喺走廊瞓住張加床3晚,病情開始有好轉啦,醫生就話出得院,床位好緊張,下面急症室有幾十個等緊上黎,出咗院,過多3日又再頂唔順返返去睇急症,如是者周而復始再周而復始」。

她又直言過去兩周工作感到「好灰」,醫院如同難民營,內科病已經加床至走廊,甚至連電視機底下都不放過,病房內更長期有3至4個須用呼吸機的病人,該類危急病人原應要護士一對一跟進病情,惟病房的人手比例是1:12。至於觀察房,她直言「多嘢做到連餐都派唔切」,「阿伯阿婆啲片濕完又濕,濕左兩三轉都冇人手同佢哋換,啲被、尿壺、尿盆用到fill唔切呀,一個二個聞住氧氣,有氣冇力都嗌住要返屋企呀」。

她又提及林鄭月娥巡查伊院,認為如同「做show」及「洗太平地」,指第三類緊急及第四類次緊急病人等入院的輪候隊伍原本已經維持了一星期,卻突然間「連影都冇」。

前線醫生聯盟昨日就發表聲明批評,公營醫療體系不勝負荷,源於政府在醫療政策上的短視和欠缺長遠規劃,致前綫公營醫生怨聲載道,並建議政府短期內考慮將部分醫管局服務外判予私營醫療機構,讓公營醫生集中處理危急個案,長遠而言應增加醫療開支,又不反對有限度輸入海外醫生,但需確保有關醫生在公院執業。

都市網推薦新聞

熱點新聞