2017年8月21日  星期一  農曆  闰六三十
首頁 > 港聞 >
即時新聞

「做法完全不成比例」 何俊仁摸不着頭腦

[2017-08-12]

對於民主黨創黨成員林子健聲稱被內地「強力部門」擄走禁錮和毆打,要脅不得將一張美斯親筆簽名照轉交劉霞,陪同林子健開記者會的何俊仁就直言,現在根本無法接觸劉霞,即使將一張簽名照轉交劉霞「都唔係咁大件事」,他以為隨着劉曉波逝世,事件會慢慢平靜下來。他相信劉霞對北京構成的壓力「唔係大到咁樣」,故他跟有經驗的人談過,均對事件感到驚訝。他更指內地部門以劉霞為由擄走林子健,做法完全不成比例,他完全「摸不着頭腦究竟係搞緊啲咩嘢」。


「似乎刻意想做一啲嘢」


他還質疑,對方在林子健身上打釘,「啲釘係痛,但係唔會好傷……但個意思係畀你哋睇到、最緊要大家影得到,然後增加佢講嘅說話嘅可信性」,他認為對方早已預料林子健或民主派會召開記者會,故對方似乎刻意「想做一啲嘢,然後等佢公開」。但他不肯定事件是否直接和劉霞或簽名照有關,根據他的經驗,「又唔似係北京正式嘅做法……但佢所講嘅人,一定毫無疑問來自內地」。
何俊仁續指,自劉曉波出事後,中聯辦門口一直有很多民主派人士靜坐,及後民主派還舉辦追悼會和燭光遊行等,故如內地欲阻止他們的行動,根本「中間係有好多機會,可以恐嚇、警告我哋」,「但係我哋無收過」,他認為民主派的行動的震撼力絕對大於送一張簽名照。
他直言實在不解對方為何要這樣做,「係咪代表政府嘅政策,都唔知道」。他憂心事件起因是內地政治局勢混亂,導致有政治鬥爭延伸至香港,令香港成為磨心,「呢個係我最擔心嘅嘢」。但他強調整個說法只是分析,他真的不知道對方希望透過事件表達甚麼訊息,惟他強調事件不能阻止港人和支聯會發聲。記者會同場還有民主黨創黨主席李柱銘、前立法會議員李永達和立法會議員黃碧雲,但三人就未有發言。
有民主黨人私下亦表示,事件充滿疑點,亦不排除涉及私怨,目前難以作出定論。

都市網推薦新聞

熱點新聞