2017年9月24日  星期日  農曆  八月初五
首頁 > 即時娛樂 >
即時新聞

著老西射住大光燈 梁漢文熱爆拍MV險中暑

[2017-08-16 07:55]

梁漢文(Edmond)除忙於本周五六兩場演唱會綵排外,還一口氣為幾首新歌拍MV,其中最新派台歌《你哪位》就在赤柱污水處理廠拍攝,當日戶外溫度攝氏34度,現場加上大光燈照住,穿著一身西裝的Edmond體感高達40幾度,熱到幾乎中暑!Edmond說:「我今次真係俾導演Jason考起,為咗拍出嚟效果特別啲,將呢首本來已經係快歌再將節奏調快多一倍,到調返正常速度時,畫面就會好特別,辛苦晒同我一齊拍攝嘅演員,一齊熱一齊步伐要快。因為要拍大頭對嘴,嘴形一定要夾,所以我預早一個星期係咁背歌詞,日背夜背,急口令咁,連瞓著都嘴郁郁,困擾咗我成個星期,結果拍完大家都好滿意!」其實困擾Edmond還有一件事,他笑言:「事前導演話喺污水處理廠拍攝,我驚會好臭,又熱又臭仲要死背歌詞,真係好擔心,結果嚟到現場一啲都唔臭,環境好好,只係大光燈照住好熱!」

為配合歌詞,Edmond與幾位型人在MV裏齊齊扮串樣,他說:「為咗配合呢首歌叫《你哪位》,即係『你邊位呀?』做人有宗旨、唔賣賬、好有態度,辛苦大家熱到咁仲要扮串、扮型,結果拍出好有power嘅感覺,超額完成!​​」

都市網推薦新聞

熱點新聞