2017年9月20日  星期三  農曆  八月初一
首頁 > 即時娛樂 >
即時新聞

at17「分手」7年感情不變 年底合體開騷賀17周年

[2017-09-10 03:21]

相隔7年,組合at17今年17周年玩合體,年底開騷,日前林二汶和盧凱彤(Ellen)為演唱會主題曲《Girls Girls Girls》拍MV,全場布景、服裝、面具、擺設,統統都由人手用紙摺成,台前幕後共24人、花了72小時製作,手工精細,盡顯心思。

今次MV她們戴的貓型紙面具,與at17第一張唱封面戴的貓型頭套是刻意地首尾呼應,原來當年二汶戴的橙色貓頭套是現成買來,Ellen戴的白色貓頭套則用冷衫改裝,造型師親手縫製,非常珍貴。二汶說:「多得林媽媽(她的媽咪)將我哋所有嘢偷偷收埋,今次先至可以喺籠底摷得返晒出嚟…我打算拍賣畀盧凱彤賺錢。」雖然這些年來二汶和Ellen各自發展,但她們感情不變,鏡頭前默契十足,鏡頭後有說有笑。

MV中還展示了不少at17過往開騷的海報、紀念品和YesCard,二汶笑說:「我哋曾經討論過:到底有幾善良嘅人至會儲at17嘅YesCard?原來真係有人儲㗎喎!多謝啲Fans借出珍藏。」Ellen笑說:「其實見到YesCard都知at17有返咁上下年紀啦!」二汶透露今次開騷亦會推出紀念品,希望歌迷給意見,說:「我哋有諗過出Figure、T恤、手帶、枕頭袋、攬枕…我最應該出攬枕,我最好攬!」Ellen大力點頭,表示非常贊成,全場又是一片歡樂笑聲。

林二汶和Ellen於2000年參加歌唱比賽認識並合作成為組合,2010年宣佈解散後各自獨立發展。今次合體演唱會和主題曲《Girls Girls Girls》,二汶搞笑解說:「顧名思義,呢首歌係講『女仔、女仔、女仔』,好歡迎所有『男仔』嚟睇騷,因為真係有好多『女』㗎!」

都市網推薦新聞

熱點新聞