2017年11月19日  星期日  農曆  十月初二
首頁 > 即時娛樂 >
即時新聞

嘴唇神聖留畀師兄錫 祖兒開心粉絲接受男友

[2017-09-10 06:32]

容祖兒相隔4年再度辦簽名會,雖然遲了逾半小時,但無損粉絲熱情,吸引了數百粉絲逼爆商場。祖兒甫到場即致歉,原來途中遇上交通意外導致大塞車。繼而祖兒與粉絲連玩兩個遊戲,第一組的其中一名高佻四眼男粉絲玩得相當投入又跳脫、唱歌時動作多多,祖兒指這位6呎3吋的高佬令她捧腹大笑。

怎料第二組的另一位男粉絲更厲害,當男粉絲以紅唇在祖兒的相片上狂嘴,唯獨沒嘴到祖兒的嘴上,大家以為他是不夠膽,豈料他謂:「咁神聖,當然留給師兄(劉浩龍)喇!」搞到全場起哄之餘,祖兒亦嚇到彈後一步,更作狀打對方說:「有刺客呀,拉佢出去!」最後該名男粉絲還成功勝出,祖兒笑指:「算啦,你好嘢,有咁嘅偶像就有咁嘅粉絲,我實會報仇!」

訪問時,提到粉絲們很跳脫,祖兒認同道:「係呀,好開心,那名6呎3吋的高佬每次都會載歌載舞,不過這些90後久不久得閒見過面就得喇,見得多會激死,事關佢有豐富嘅表演慾,哈哈。」笑問祖兒覺得這位高佬和師兄那個可愛?她笑指記者最可愛。笑問神聖的嘴唇是否只留給師兄?她大笑道:「我都唔知點解,都唔知邊個教佢咁講,多事!(師兄係咪都好跳脫?)我跳脫啲,師兄都唔跳脫。(有無俾粉絲嚇一嚇?)簡直係刺客,發生乜事點解比到刺客入來!」

笑指代表了粉絲也喜歡師兄,祖兒聽完即扯開話題話好熱,但忍不住甜笑。再問粉絲是否已接受師兄?她笑笑口說:「咁唔係點啫,見我哋成日一齊,但咁都好、都開心,因為粉絲係最直接,鍾唔鍾意都唔會隱瞞,都係好事開心事。」她又高興指DVD反應極佳,但今次無得分紅,辦小型音樂會純粹為興趣,努力了18年才能搞一次,下次都應該是開紅館騷,始終都要為生計。

都市網推薦新聞

熱點新聞