2017年11月24日  星期五  農曆  十月初七
首頁 > 其他新聞 >
即時新聞

林二汶自嘲幾十歲先嚟重組 盧凱彤:望感受到at17仍然青春

[2017-09-14]

盧凱彤(Ellen)與林二汶重組的at17,定於今個聖誕檔期12月 23及24日於伊利沙伯體育館開騷,早前二人拍攝宣傳海報,以一身維多利亞式女皇Look為主題,Ellen笑說:「呢個造型吸金又吸睛,對at17 係一個新嘗試,雖然有啲復古味道,但希望大家感受到at17仍然青春!」二汶接著笑說:「係呀!我哋重組呀!其實我哋已經幾十歲先嚟重組,咁就做返at 17 ,我哋嘅演唱會名叫GIRLS GIRLS GIRLS,即係話girls girls girls come watch us ! 女仔嚟要比正價,男士就收半價!」Ellen又搞笑表示,這是二汶自己一廂情願啫!所以買唔到半價飛唔好問點解,男士也無任歡迎來捧場!

為給大家一個溫馨聚會,歡迎扶老携幼一齊來,初步構思是希望有大型樂隊大型合唱,又會邀請女仔嘉賓表演,到時還有特備節目及神秘嘉賓,不過要先賣個關子,暫時不能爆太多料!不過拍海報就有個神秘嘉賓,就係一隻白雪喵喵,二汶笑說:「隻喵喵非常專業,係識得望鏡頭的喵喵,一埋位時候就已經交足晒戲,但係我哋未畀到戲,所以要繼續影,輸咗畀隻白貓仔,其實拍攝之前我哋喺度化妝,隻喵仔已經等埋位等得不耐煩去咗瞓覺,可能嫌我佢哋手腳慢!」Ellen又笑謂,相信她們的默契依然,不過都要花些時間讓大家適應。另外,她們為配合演唱會,聖誕期間亦會推出新歌+精選大碟,已有7年未有合作出碟,主打歌是會以她們過往唱過的歌做串燒歌詞!

都市網推薦新聞

熱點新聞