2017年9月20日  星期三  農曆  八月初一
首頁 > 其他新聞 >
即時新聞

《使徒2》又係內地視頻網率先播 黃翠如自爆同個個都有咀戲

[2017-09-14]

黃翠如跟袁偉豪(Ben)及周柏豪在《使徒行者2》都有感情線,翠如和Ben、麥明詩等為劇集宣傳,翠如被問到劇中是否有不少激情戲?她笑說:「個個都有得咀,係三哥(苗僑偉)無得咀!」袁偉豪提到劇中初時跟翠如是歡喜冤家,有些輕鬆床戲;到後半段因每人的複雜背景及關係,劇情開始變得沉重。翠如大爆袁偉豪跟周柏豪有時間就操肌,柏豪更買了整套健身器材放在房間。袁偉豪就暗嘲翠如不愛運動,跑步、踩單車都不超過兩公里。問到翠如是否一做運動便會肚痛?她笑說:「唔係肚痛,係橫隔膜啊!我一個舉啞鈴時你哋唔知啫!」

對於劇集將於9月18日全球同日播出,但有內地視頻網的VIP會員可早於晚上8時一口氣收看1至10集;香港觀眾就跟以往一樣,於首播晚9時30分只可看第一集。談到可能影響香港收視?袁偉豪認為不一定,說:「依家科技咁發達,可能觀眾睇完截圖,會更加想睇呢。唔同平台有唔同嘅宣傳方法,要合作同配合。」

麥明詩就自嘲現實跟劇中的感情生活都慘情,笑說:「咁當然劇入面苦一啲。」麥明詩直言誰不想拍拖?雖然她不急著拍拖,但媽媽比她更急。她說:「因媽咪24歲就結婚,我25歲佢就成日問我進展如何?」她透露媽媽有意無意安排她相睇,如跟媽媽的朋友吃飯,會叫人家帶同其子女到場,但媽媽的擇偶要求跟她的要求未能接軌,所以都未有任何進展。(攝影:李樹勳)

都市網推薦新聞

熱點新聞