2017年12月16日  星期六  農曆  十月廿九
首頁 > 其他新聞 >
即時新聞

「勇母」火攻滅蜂巢 網民獲讚「好幸福」

[2017-09-25]

每逢家中出現昆蟲,就是考驗膽量的時候。有網民在討論區上載圖片,指家中廁所外牆煤氣爐出風位上出現蜂巢,其「勇母」不聽勸告,堅持用火攻清走蜂巢,並圖文直播「戰況」。網民均大讚清蜂巢的母親非常勇武,亦有網民擔心清巢可能會波及附近居民,應交由漁護署處理。

一個名為「我有個野人老母」的網民於連登討論區直擊大戰情況,他於9月22日上載圖片,指廁所外牆煤氣爐出風位上出現蜂巢,指其母「要好好咁對付佢地」,稱以為母親向漁護署救助,怎料「佢拎左(咗)支丫叉出黎話要隊死佢地」。

他大驚指「有d(啲)常識嘅人都知d(啲)蜜蜂會攻擊人,你咁隊佢發(法)仲唔飛到成屋都係,但我老母一意孤行,仲話要用火攻」,其後不斷有蜜蜂飛入屋,均被「勇母」打死。他引述母親指「仲話見到有蜜蜂蛹..話好甜好想食.......」,其後更指蜂巢已被清除,「依加落左樓下睇有無蛹食」,但最後則「食白果」。

不少網民均大讚該母非常勇敢,「你呀媽好適合野外生活」、「樓主好幸福,俾著我呀媽一定喊住報警」。樓主亦回應指「我媽係鄉下地方長大,所以先咁勇敢」。

網民擔心火攻會釀火災,「你用火攻,一陣d(啲)火(舌)跌落樓下火燭又多幾間兇宅」、「樓上樓下多得伯母唔少」。亦有網民指該巢並非蜜蜂所築,而是其他蜂種,「wasp(黃蜂)嚟㗎,唔係bee(蜜蜂),bee就冇所謂啦,好易解決,wasp你自己搞,整唔死晒佢哋,一定會返嚟再築巢,仲有wasp針你可能會有過敏反應,勁過bee好多呀」。

都市網推薦新聞

熱點新聞