2017年12月13日  星期三  農曆  十月廿六
首頁 > 即時娛樂 >
即時新聞

包容總有底線!胡定欣發長文回應惡意評論

[2017-10-09 23:47]

胡定欣多年來的努力,觀眾有目共睹。由參演小角色開始,都成為今天受到萬千寵愛的視后,今天所有的成就都是靠她自己一手一腳打拼回來。

不過人越紅,批評她的聲音也越來越多,越來越過火。定欣今日凌晨就在Instagram發長文宣洩,批評一直惡意傷害她的人。她說:「怎樣看得透徹…理解…接受…包容,總會有底線!」並反問惡意者:「不斷傷害人,你們生活愉快嗎?」

長文如下:

「我喜歡去旅行,放眼看世界,因為地球真係有好多好靚好值得我地(哋)欣賞的地方。 每次當我旅行見到外面的天空好大,可以望到好遠的時候,就會自然感覺呢個世界真係好大,人類真係好渺小,自己仲渺小,所以我只要好好活在當下,開開心心,努力工作,做好自己,做自己想做的事。無關痛癢的事就由他去。

有些事情沒有說明,唔代表真係無(冇)感受。當然明白身為公眾人物,做每件事都會受到公開評論,我亦控制唔到評論。但係真的要『徹底地』『每一件事』嗎?

怎樣看得透徹…理解…接受…包容,總會有底線!

我相信無(冇)任何人會100%清楚我自己,因為連我都唔完全清楚自己。試問一個無(冇)接觸過你,又無(冇)同你生活過,又咩都唔知的人,何必要浪費咁多時間去評論同自己無關痛癢而單方面自己一廂情願認為係咁既(嘅)事,去作不必要的公開評論,而評論係帶傷害性。不斷傷害人,你們生活愉快嗎?

我表達能力好差。但我真想講呢個世界真係真係真係好大…望遠d(啲)呀!處理好自己的事,過好自己生活,已經好足夠!

真的!真的支持我,支持我的工作,祝我生活愉快,足夠!!~

感謝!」

都市網推薦新聞

熱點新聞