2017年11月22日  星期三  農曆  十月初五
首頁 > 即時娛樂 >
即時新聞

阿廉爆料結咗婚 蕭正楠否認同翠如秘婚

[2017-10-18 05:44]

蕭正楠同黃翠如拍拖3年多已認定對方為結婚對象,早前盛傳二人旅行結婚,不過翠如近排又自言未傾過婚事。阿蕭翠如口密,而二人的共同好友曹永廉則爆料,指阿蕭翠如已秘密結婚,令網民起閧。

事緣前日阿廉52歲生日,仍在美國登台的他獲阿蕭送祝福:「10月16日又到了!全港熱烈祝賀老廉更年期依然老當益壯、但願重振雄風!去美國登台只有精叻永冇jet lag,唱歌唔走音,唔會俾人扔爛蕃茄!#全港熱烈祝賀」。

阿廉轉發貼文,更裝作不經意地爆料:「你隻蕉真係成熟咗,講嘢冇咁口臭,積到啲口德,結咗婚係唔同D(啲)」。網民急問阿廉真定假?亦有人話「幾時結咗婚又唔通知, 爆料了!」不過阿蕭接受傳媒訪問時回覆信阿廉一成,雙目失明,他與翠如結婚是阿廉的生日願望;阿廉亦自稱是開玩笑,想不到迴響如此大。

都市網推薦新聞

熱點新聞