2017年12月12日  星期二  農曆  十月廿五
首頁 > 即時娛樂 >
即時新聞

B仔食蕉啃親 車婉婉嚇到標汗爆喊

[2017-11-20 04:16]

車婉婉今年3月為澳洲籍老公誕下混血巨B仔「BBQ」,身為新手媽媽的她努力學湊B又不時在社交平台分享日常事。隨著B仔長大,車婉婉開始餵食不同的食物,昨日「BBQ」自己食香蕉時不小心啃親,嚇到車婉婉不知所措喊晒口。

車婉婉在社交平台分享湊仔驚嚇事:「今天Q MaMa作出新嘗試,比(畀)BBQ試一試自己拿著香蕉吃,怎料,可怕的事情發生了,已經有6隻牙仔生長中的BBQ咬了一口大概有一個一蚊銀咁大的蕉蕉,卡住不能下嚥...... QMaMa真係好驚!家中只有我們二人,BBQ好辛苦的樣子,哭也哭不出來...... 」車婉婉拍囝囝背脊都冇用,嚇到又喊又出晒汗,好彩BBQ自己搞掂,有驚無險。車婉婉留言提醒媽媽們:「雖然BBQ係Big Baby,但是他其實仲好細個仔,好多事情都要好小心❤不可太激進!希望各位媽媽參考我們的經驗,多加留意小心,千萬不要重蹈覆轍」。

都市網推薦新聞

熱點新聞